Последние новости

22.01.2018В Каменецком районе ждут инвесторов для организации производств
В Каменецком районе ждут инвесторов для организации производствТри земельных участка общей площадью более 12 га земли для ...
22.01.2018 Польша близка к принятию решения о строительстве АЭС
Польша близка к принятию решения о строительстве АЭС«Близки к завершению работы над финансовой моделью польской ...
22.01.2018Летняя школа энергетического сообщества 2018
Летняя школа энергетического сообщества 2018 Аспиранты и студенты магистратуры, исследователи в области ...
17.01.2018Конкурс эсэ для студэнтаў і школьнікаў «Беларускае Лега 2018»
Конкурс эсэ для студэнтаў і школьнікаў «Беларускае Лега 2018»Якой будзе Беларусь, і па якім шляху ісці нашай краіне? Выкажыце ...

Месяц польскай літаратуры распачнецца 9 лістапада

Месяц польскай літаратуры распачнецца 9 лістапада

Цягам лістапада Польскі Інстытут у Мінску правядзе шэраг рознафарматных літаратурных імпрэзаў — прэзентацыі кніг, сустрэчы з польскімі пісьменнікамі і іх беларускімі перакладчыкамі, паэтычныя чытанні, прэзентацыю літаратурна-мастацкай выставы і шмат чаго яшчэ.

А нагодай для гэтага з’яўляецца традыцыйны, вядомы ўжо многім аматарам прыгожага слова “Месяц польскай літаратуры”. У гэтым годзе імпрэзы “Месяца” захопяць самыя розныя пляцоўкі горада: мы чакаем вас у музеі, бібліятэцы, галерэі, студэнцкай аўдыторыі і ў бары таксама.

УВАХОД ВОЛЬНЫ на ўсе імпрэзы.

9.11 (чацвер), 18:00. Урачыстае адкрыццё “Месяца польскай літаратуры’2017”. Прэзентацыя кнігі ўспамінаў Зыгмунта Мінейкі “З ТАЙГІ ПАД АКРОПАЛЬ” з удзелам перакладчыцы Марыны Запартыка, гісторыкаў Вольгі Гарбачовай і Дзмітрыя Матвейчыка; вядзе Андрэй Хадановіч, грае трыа “Вытокі”.

Музей “Дом Ваньковічаў” (вул. Інтэрнацыянальная, 33А).

14.11 (аўторак), 16:00“ДЖОЗЭФ КОНРАД. ПАСАЖЫР З НАСТРОМА” — вернісаж літаратурна-мастацкай выставы да 160-годдзя з дня нараджэння сусветна вядомага пісьменніка Джозэфа Конрада.

Нацыянальная бібліятэка Беларусі (пр. Незалежнасці, 116).

17.11 (пятніца), 20:20“36 М² ДУМАК”. Паэтычны вечар з Даротай Коман — прэзентацыя беларускамоўнага выдання зборніка вершаў. З удзелам аўтаркі і перакладчыка Андрэя Хадановіча. Сустрэча пройдзе ў рамках фестывалю “Знак роўнасці”.

Галерэя “Тут.бай” (праспект Дзяржынскага, 57. Бізнэс-цэнтр Omega Tower, 9-ты паверх).

23.11 (чацвер), 19:00. “ТЭОРЫІ ЛІТАРАТУРЫ ХХ СТАГОДДЗЯ” — найважнейшыя тэорыі літаратуры ў адным томе! Ад бясспрэчных аўтарытэтаў польскага літаратуразнаўства А. Бужыньскай і М.П. Маркоўскага. Прэзентацыя беларускамоўнага выдання з удзелам аўтараў і перакладчыкаў.

Філалагічны факультэт БДУ (вул. К. Маркса, 31, аўд. 304).

30.11 (чацвер), 19:00. “ПРАРОК ІНШАСВЕТУБАЛЯСЛАЎ ЛЕСЬМЯН” — да 140 гадоў з дня нараджэння і 80 гадоў з дня смерці знакамітага польскага паэта. Прэзентацыя перакладу зборніка вершаў на беларускую мову. З удзелам перакладчыц Марыі МартысевічКацярыны Маціеўскай і Ганны Янкуты. Спецыяльны госць — польскі перакладчык, кіраўнік польска-беларускіх перакладчыцкіх семінараў Адам Паморскі.

Бар “Ў” (Незалежнасці, 37а).

Паводле прэс-службы Польскага Інстытуту ў Мінску

https://novychas.by/kultura/mesjac-polskaj-litaratury-raspacznecca-9-listapada

Опубликовано: 08.11.17